黃翊感受深：去舊先有新！
黃翊因演出《流行經典50年》在樂壇翻生，對節目結束他感到可惜，昨日他說早幾個月已略有所聞：「我離開咗樂壇廿幾年，因為呢個節目行番出嚟，出唱片又開演唱會，令到被遺忘嘅歌手重現幕前，對某啲觀眾又有新鮮感，係節目成功之處，我嘅感受特別深！不過舊嘅唔去又點會有新吖，節目總有完嘅一日，或者有個更好嘅節目帶來新衝擊，唔係壞事。」
作為第一代主持的湯寶如，感謝TVB給予機會及與薛家燕、黎小田一同主持：「希望呢個結束又有個新的開始，再有唔同形式嘅音樂節目出現。」當日她跟王馨平合唱《美少女戰士》引來回響，造就她們在周慧敏演唱會合體表演，她承認始料不及：「諗唔到反應咁犀利，真係童年回憶，呢個節目令好多被遺忘嘅歌手，畀大家再認識番。」之後她雖然沒有再做主持，亦覺得唔捨得！