美國天后麥當娜（Madonna）為新碟造勢，今年9月舉行歐美巡唱，然而有傳門票滯銷，令她大受打擊，急急於社交網站上載女模露點照片挽回劣勢！
現年60歲的麥當娜將於本周五推出新碟《Madame X》，不過有傳9月開鑼的歐美巡唱《Madame X Tour》門票滯銷，9月12日於紐約布魯克林舉行的頭場，仍然有過百張門票無法賣出，而她將會於當地舉行17場騷。
據稱麥當娜今次大受打擊，因以往她開騷時，門票甫開賣即賣清。知情者說：「喺布魯克林長大嘅娜姐，自己都唔明白點解佢嘅Fans唔去捧場！因為過往佢嘅騷向來都好搶手。」除了演唱會門票滯銷之餘，新碟中率先推出的單曲銷情亦麻麻，至今未有一首歌打入Billboard流行榜Top100之列！
為了挽回劣勢，麥當娜前日於社交網站Instagram（Ig）公開新碟的新宣傳照，照片中一朵玫瑰花串在半裸女模乳頭，網友有讚有彈，有人質疑她為何要用露點相博出位：「用你嘅音樂，而唔係身體嚟惹人注意。」
知情者又透露：「娜姐團隊同宣傳人員，同傳媒講好多場騷幾個星期以嚟抽獎式賣飛，已經賣清光，依家再喺Ticketmaster賣緊剩餘嘅飛……雖然場地好細，但都仲有幾百張飛剩低。」