龐卓欣拍拖6年哽咽分手
2015年港姐亞軍龐卓欣（Ada）與「鐘錶大王」孫秉樞孫仔孫智威（Solomon）2013年開始拍拖，期間表現恩愛，不時結伴去旅行，希望30歲前結婚生仔的Ada，前日突然在社交網上載短片宣布已回復單身，令網民大吃一驚。
她在片段中教大家如何面對分手和調整心情，揚言其ig已看不見Solomon，覺得應該向大家作交代：「我同佢一齊差唔多6年，同佢已經散咗3個月……點解依家先講？因為我唔知點開口！」此時她開始哽咽着說：「比較尷尬。始終係兩個人嘅事，我想對大家真實，知我近況同分享我嘅經驗，之前啱啱分手有點敏感，過咗一段時間心情先平復。」曾拍過五次拖的她，表示人愈大愈懂得看開，並叫大家分手不要太傷心，時間可以沖淡一切。
