孭葉巧琳跑麥秋成傷腰激死
女歌手葉巧琳（Mischa）日前推出新歌《水舞間》及MV，她表示歌曲在瑞典斯德哥爾摩創作，當時連日下雨但未損心情，抱着「Singin' in the rain」的心態完成作品。至於MV的舞步，由舞蹈總監好友麥秋成度身訂造，並擔任男主角，雖以「激死我」來評價Mischa，但又讚她夠勤力：「佢返屋企練，啲細節位都有練到，所以後來我都放心。」
Mischa為練舞搞到腳又損又痛，但指未及麥秋成辛苦：「佢傷咗腰，有啲追逐鏡頭要孭起同舉起我，雖然我瘦咗，但都唔輕o架！」MV尾段，兩人為拍淋雨跳舞戲份拍足10小時，跑足三個場景，她笑言是愉快經歷：「慶幸有阿成陪我，可以同好朋友一齊去拍，中間有講有笑，冇咁悶嘛！」
