單文柔父親節送驚喜 陳展鵬：又有咗？
藝人陳展鵬昨日以大使身份出席仁濟醫院派福袋慈善活動，今年4月單文柔為他誕下女兒小豬比Quinta，周日是首個父親節，他將連走三場：「犧牲自己先，會去老婆屋企，再去我爸爸屋企，我食甜品啦！小豬比仲細，佢都唔知我係父親。」問到老婆會否送驚喜？他講笑：「又有咗？真係又驚又喜，唔使咁快。」揚言多了爸爸身份後，感覺每日工作更有意義和衝勁，笑言希望自己不要太快老。
近日陳展鵬與女兒多了互動，又指小豬比除了食和瞓，每天也在變樣，亦開始有性格及會說BB話。他透露早前買相機給老婆，讓她多拍女兒照片，又笑言：「搞掂大（老婆），所有嘢就搞得掂。」對於單文柔復出，他稱不應因小朋友而改變自己，想做就做，最緊要舒服。
