性感底線有得傾 松岡：唔似AV就得！

藝人張建聲、松岡李那、趙永洪及鄒文正昨日現身電影《作家的謊言：筆忠誘罪》見面會，松岡露肩、低胸又露腰涼快上陣，她表示在戲中有不少性感場面：「可以性感啲都得。（底線係咩？）唔知，要睇角色，只要唔係拍到似AV咁就得。」她稱希望將來可挑戰打女與女特工的角色：「我都識少少功夫，我唔怕受傷，唔怕畀人打臉，我有學拳擊。」提到廣東話退步不少，她說不用結識香港男友學廣東話，自己上堂就可以。
松岡李那一身清涼打扮，睇見都暑氣全消。
松岡李那一身清涼打扮，睇見都暑氣全消。

張建聲望做出好成績

至於張建聲今次集監製與演員於一身，他坦言3年前已看中這個劇本，跑了十多間公司才成功找到投資者，他大讚戲中兩位女角何珮瑜（Jeana）與松岡：「Jeana素顏同增磅上陣，我同松岡就花咗一個月時間練晒所有廣東話對白，又搵咗個地方綵排激情戲。」他坦言同期上映的電影強勁，希望靠口碑做出好票房，能達到收支平衡，投資方才會繼續開戲。

趙永洪（左起）、張建聲、松岡及鄒文正齊齊拉紙炮。
  • 趙永洪（左起）、張建聲、松岡及鄒文正齊齊拉紙炮。
松岡李那在片中不乏性感演出。
  • 松岡李那在片中不乏性感演出。