最驚「樣衰相」流傳 張智霖落實搞世巡明年紅館啟航

藝人張智霖（Chilam）昨日出席卡通電影首映禮，同場還有陳爽一家四口。Chilam表示今次特意帶太太袁詠儀（靚靚）、兒子及其同學來觀看：「佢哋上咗去先。」再次為電影配音的他自言有熟悉的感覺，並說：「套戲帶出個Message係學識放手，做父母好有共鳴，畀小朋友成長同獨自面對困難。（你做到？）做到！配音時都有落淚，依家好小事就會觸動到我。」

另外，他宣布明年4月再開紅館騷，亦是世界巡迴演唱會的首站，他難掩興奮地說：「上次開已經係2014年，開始籌備緊，希望做得更好。（開幾多場？）未知，但幾場唔係重點，重點係每場點做到100分。（你想開幾多場？）3至4場都OK。」

否認有不愉快事件

講到日前與靚靚參加內地晚宴時被強行集郵，Chilam事後於社交網轉發貼文兼幽默回應：「謝謝你們讓我吃了一頓不安樂茶飯」，問到當時現場情況是否混亂？他即澄清並沒有發生不愉快事情：「我啲幽默感係黑色啲，但成日好驚食緊嘢嘅時候同人影相，唔係咁好睇，怕影出嚟唔靚、樣衰，所以想喺準備好嘅狀態之下影。（成日遇到呢啲事？）時常！所以成日都要保持個樣唔太衰。」問到有否去探好友郭富城的細女二寶？他表示很想：「相就睇過。（似爸爸定媽媽？）咁細個睇唔出。」