張名雅細仔碌落床爆喊

恒基地產主席李家誠前晚攜同太太李徐子淇，出席為資助內地唇顎裂兒童的慈善晚宴，同場還有張名雅和利嘉兒（Lily）。張名雅自爆五個月大的細仔Milo早前發生意外：「有次突然間房傳出好大砰一聲，我哋先知原來細佬喺床上面碌咗落地下，仲趴喺度喊咗好耐，好彩最後冇事，之後我哋都唔會再忽略佢。」
張名雅分配時間湊兩個仔，絕不偏心。
張名雅分配時間湊兩個仔，絕不偏心。

而Lily透露8個月大的囡囡劉書雅最近性情突變：「佢變得好有主見、好有性格，無論做咩都Say No，沖涼換衫全部扭計，最慘係要同佢鬥力，人仔細細好大力，又怕整傷佢，每次都好攰，呢排好似癲咗咁，冇諗過咁快就反叛期。」

徐子淇應邀出席晚宴。
  • 徐子淇應邀出席晚宴。
利嘉兒笑言囡囡8個月大已到反叛期。
  • 利嘉兒笑言囡囡8個月大已到反叛期。