鄧佩儀冇諗雪卵接受領養
藝人鄧佩儀（Gloria）昨日為婚紗展擔任模特兒行騷，她表示經常參與同類活動，行婚紗騷則是首次：「同髮型師傾開點解經常搵我做同婚紗有關嘅嘢，佢話可能我個樣wifeable，我覺得都幾好，好榮幸。（你覺得係唔係？）我唔夠膽咁講，應該要由將來嘅另一半去感受，但呢啲唔係只講外表。」問到可有做人妻的內涵？她自認是地獄女廚神，但做家務完全沒有問題：「我好鍾意做家務減壓，希望呢兩年學吓烹飪！（搵個識下廚嘅另一半？）我會同佢講依家外賣App都好方便。」
不受年齡局限
講到結婚，現年26歲的她坦言想先集中工作，希望40歲前的人生多姿多采！問到40歲才嫁會否太遲？她說：「唔怕太遲，年齡只係數字，我覺得林志玲係一個好好例子，佢各方面都keep得好弗，係我目標。（但生小朋友冇得遲。）我好鍾意小朋友，但唔會畀年齡去局限自己，我對領養唔反感，對我嚟講仲好可能會發生，反而冇諗過要雪卵。」
同場的黎諾懿最近因港式普通話成為熱話，他透露婉拒了一些內地登台：「我唱歌已經『猛料』，仲要唱埋國語，真係唔敢獻醜，成為又一力作。」又笑言將來會陪兩歲兒子齊齊學普通話，並指兒子的英文已比他好：「佢可以用完整句子同工人溝通，我有時都聽唔明。」