王曉君生B「驚」歷生死邊緣
前有線主播王曉君（Elaine）育有大女Ashlaine及細仔Ashton，為免錯過子女成長的寶貴時刻，三年前決定減低工作量，以家庭及子女做大前提。她回想六年前生大女時有異常出血現象，經醫生診斷是胎盤異常剝落，要立刻緊急做手術：「未出世已經開始剝落，係好危險嘅，最後好感恩，母女平安，BB好健康咁出世，呢件事係非常之難忘，喺生死邊緣擦身而過。」
在女兒未足三個月時，她定下目標要餵人奶半年，即使身體不適也不敢亂食藥，但有日肚痛難當而深夜求醫，發現患上腹膜炎，她說：「做微創手術，用咗9公升水洗乾淨內臟，都幾危急同危險。」
老公按摩通乳腺
為了女兒，她即使在醫院休養亦忍痛泵母乳，Elaine說：「我好堅持要繼續餵人奶，住喺醫院五、六日，返到屋企又要食抗生素，唔可以即刻餵。我記得有一晚好難忘，老公幫我按摩推番通乳腺，嗰種痛，男人唔會明白，係痛到入骨嗰種，而個女張床仔喺我哋床尾，老公幫我按摩嘅時候，我望住個女，一路流住眼淚同自己講，我一定要堅持，一定要繼續餵，嗰種堅持，係唔知喺邊度嚟。」這些難忘經歷，令她感受到母愛的偉大與堅持。
育兒心得
1.每日對子女講「我愛你」，讚好多次及擁抱，直接表達愛意。
2.安排子女規律生活，只有周五、六、日才看電視。
3.晚飯後與子女玩Board Games，婆婆和奶奶亦一齊玩，令家人更親密。
