李旻芳直播報喜 11．5嫁黃耀英
有「無綫咪神」之稱的《東張西望》主持李旻芳（Lucy），與拍拖多年的男友黃耀英（Darren）感情穩定，昨晚她在《東》直播期間，宣布訂婚消息，咪神封盤，真係恭喜晒！李旻芳說：「我要結婚喇，求婚過程好Sweet！有兩隻愛犬陪住，又有我鍾意嘅音樂，最後我哋兩個攬埋一齊跳舞，多謝你黃耀英！」而拍檔區永權亦在社交平台送上祝賀，並甫出二人合照留言：「我今晚呢位拍檔，喺節目度正式宣布已經訂婚，將做人妻，恭喜恭喜！」並祝Lucy和Darren白頭到老，永結同心！
準新娘李旻芳昨晚回覆，稱男友求婚三次才成功和圓滿：「係呀！尋晚求咗婚，但好好笑，因為佢求咗三次先成功！第一次佢緊張得滯，蒙住咗我對眼，唔記得叫我除眼罩，好蝦碌！第二次佢又停咗個音樂，到第三次先圓滿，我哋有狗狗陪伴住進行，一齊跳咗隻舞，好開心！」二人將於11月5日結婚及擺酒。