張頴康拒改藝名盼母子團聚
藝人張頴康在無綫節目中分享自己的故事，自幼媽媽離家出走，他尋母多年，苦日子卻過得積極，說時悲從中來，流下男兒淚，後悔當日放走媽媽。
一連十集的無綫節目《如果這樣生活》，由藝人擔任主持，走訪多地帶出動人故事。其中張頴康到訪四川成都、雲南瀘沽湖感受生活，更在節目中提及身世，忍不住感觸落淚！
張頴康表示一直由嫲嫲湊大，四歲那年父母吵架，母親要求他跟自己生活，他說：「當時我冇揀到媽咪，我話要跟阿爸，因為我知道如果跟媽咪就見唔到嫲嫲。但我估唔到嗰刻放手，就再見唔到媽咪三十幾年，如果我知道係咁，我點都唔會放手！」他稱初入行時，公司曾要求他改藝名，但他堅持用原名，就是為了等待母親。
喊住過生日
因為作了個「後悔選擇」，張頴康從來沒心情慶祝生日，直至30歲那年，他說：「我可以揀慶祝或者唔慶祝我嘅生日，但係其實我每次揀，都一定唔會慶祝，因為之前嗰26個生日，冇一個我唔係流住眼淚咁過。」他稱自出生開始跟嫲嫲住在彩雲邨，父母分開後，他選擇跟爸爸生活，但爸爸其後回內地再婚，剩下他跟隨嫲嫲生活，直至他成家立室。
對於節目播出後反應大，張頴康昨晚回覆說：「我知道觀眾覺得好感人，但係今次只係機緣巧合，其實喺個節目講出咗自己嘅故事，坦白講，真係抒發咗自己嘅情感，有感而發！節目出街之前，我都有認真諗過會有乜嘢後果，但係經過沉澱之後，我只係希望大家都可以繼續過得開心！因為我好滿意同享受依家嘅生活，唔想有乜嘢轉變而影響到大家！」