何天兒Dry咗好耐仲未有人追

藝人何天兒（Lily，前名何傲兒）、女子組合Super Girls成員Yanny、鄺芷凡及李麗珊等一眾靚女前晚出席香港開電視《FIVB世界女排聯賽》排球比賽直播，Lily早前請師傅改名，揀選「天兒」為新名：「因為『天』筆劃簡單，希望所有嘢都順順利利！（改咗名有咩改變？）係新開始，改完喺工作上有成長咗。（習慣啲人叫你新名？）都習慣，無論啲人叫我『何傲兒』定『何天兒』我都會應。」

異地戀擋唔住？

講到之前被相士批算會發展異地戀，問到可有「收穫」？Lily笑說暫時未遇到：「隨緣啦，唔會抗拒，但暫時以工作為主，我覺得自己會遲婚。（接受Long D戀愛？）未試過唔知接唔接受到，但要嚟都擋唔住。（上一段戀情係幾時？）好耐啦！（依家有追求者？）睇唔到！」

Yanny等嫁諗定婚期

至於Yanny露腰又露白滑「非毛腿」，排球女將造型「誇啦啦」，「完勝」同場一班靚女！學過排球的她自嘲是「運動白癡」，除3、4年前與SG隊友跑過一次10公里後，就沒有再跑：「嗰時練咗3、4個月好辛苦，衝線嗰刻反晒胃，睇番啲相係反晒白眼。」

談及成員Jessica將為人妻，問她和圈外男友何時結婚？她稱起碼兩年後，皆因剛簽了電影公司，以工作為先，但和男友有共識，已視對方為結婚對象，又說和「夏雨仔」黃奕晨熱戀中的Cheronna也猜她是下一位最快結婚的成員，但她說：「如果生B嘅話肯定係Jessica！（佢真係有咗？）唔係！佢好鍾意小朋友，當佢阿妹個仔係親生仔咁。」可會做隊友BB契媽？她笑言可能做了壞榜樣：「負責教壞佢，請佢食零食。」