錢小豪：衰仔！ 龐景峰認無牌駕駛候判

藝人錢小豪與郭秀雲的兒子龐景峰（Andrew）今年4月凌晨，在灣仔遇上警方路障檢查，雖通過俗稱「吹波波」的酒精呼氣測試，卻被揭發無牌駕駛，他昨晨於東區法院承認無牌駕駛及沒有第三者保險而使用車輛兩罪，裁判官將案押後至本月26日，等候索取其背景及社會服務令報告始判刑，期間准他保釋候判。
龐景峰等候月底判刑，暫准保釋。
龐景峰等候月底判刑，暫准保釋。

昨晚錢小豪出席活動時，被問到龐景峰承認無牌駕駛，他表現愕然：「吓，唔知喎！佢冇同我講，唔怪得呢幾日佢冇搵我啦！佢有美國牌，可能佢擺烏龍，以為美國牌大晒，可以香港揸車。可能佢唔識香港法例，唔知要有香港認可嘅車牌，佢又冇話我聽，衰仔！（會教訓佢？）我會教導佢知道去邊個地方都要有當地合法嘅牌照。」他再強調兒子是擺烏龍，不敢無牌駕駛。

錢小豪強調兒子是擺烏龍。
  • 錢小豪強調兒子是擺烏龍。