Kenny收工飲喜酒人到禮到
祖兒胞弟昨晚舉行婚宴，出席的包括英皇娛樂老闆楊受成、歌手關智斌（Kenny）和唱片監製舒文等，Kenny被問到送甚麼禮給容弟？他一臉尷尬地說：「其實好尷尬，有啲倉卒，之前祖兒叫我嚟，我未應承實，到今朝見到佢個Post，醒起原來係今晚，我開緊工嘅，即刻問佢仲有冇留位畀我，收工即刻過嚟。」並說人情做足，並祝容弟開枝散葉，讓祖兒榮升姑媽！
至於祖兒的好姊妹蔡卓妍（阿Sa）和鍾欣潼因身在外地未能出席婚宴，但阿Sa在祖兒的社交網留言恭賀：「恭喜晒！細佬大個仔喇！快啲生BB啦！」而經理人霍汶希（Mani）則笑言帶了一抽金豬頸鏈送給容弟：「陣間幫佢戴，見新娘心口同成手都戴滿晒龍鳳鈪，細佬應該冇咩人送嘢畀佢，所以就送畀細佬。」她說不會催祖兒結婚，順其自然，但有替她物色對象，並讚祖兒性格得人鍾意。
