蘇慧恩怕男友嬲刪親熱戲
藝人蘇慧恩與梁奕藍為慈善音樂劇《慧藍的告白》拍攝宣傳照，他們透露現時僅演出一場，寄望能夠加場。劇中二人有感情線，蘇慧恩笑指原定安排開場有甜蜜親熱戲，惟現實雙方都有另一半，故最後齊聲要求導演刪減，改為溫馨擁抱。
對於此舉似欠專業，蘇慧恩笑說：「我驚佢老婆同我男友嬲，如果有機會再親熱畀大家睇啦！」梁奕藍亦附和：「依家個場400幾人，要錫太少人見到，如果第時加場喺麥花臣有1,300人，咁就Kiss啦！」更指劇中要以輪椅代步，訓練時終感受到傷殘人士的苦況。談到今次慈善演出，二人均表示僅收取車馬費。