黃淑蔓大個女着高踭鞋自虐

樂壇新人黃淑蔓（Feanna）本月8日18歲生日將推出處女碟，日前拍攝唱片封套時，一洗少女形象，準備了兩款西裝褸襯tube top及魚網絲襪，轉走健康性感造型的她未覺有難度，唯獨被高踭鞋考起：「變大人就要試以前未試過嘅，但最悽慘係要着高踭鞋，究竟邊個發明？着咗之後對腳好似唔係自己咁，擺唔到甫士，一唔着我就全身好free，着咗好虐待啊！」問到生日願望？她說：「想DSE考到好成績順利入大學，並且在音樂方面有好成績。」她形容處女碟是其人生中最大一份生日禮物，碟中會紀錄她14歲到18歲所經歷過的人和事，包括帶她加入樂壇的作品《差一點我們會飛》：「呢首歌令我可以勇敢去追夢。」