張紋嘉爆鄧穎芝傷手縫11針
歌手張紋嘉昨日現身新城電台宣傳8月的兒童音樂劇，笑言未試過與百名小朋友合作：「7月開始排戲，陳國邦、羅敏莊都有份演，佢哋會幫手湊小朋友，依家就先宣傳主題曲《願你自由地唱歌》。」
講到與好友鄧穎芝舉行明星二手衫寄賣活動，她指前日首試業即發生「血光之災」：「諗住走嗰陣，佢（鄧穎芝）話想去洗廁所，之後就傳嚟兩聲慘叫！佢話整親手叫我唔好睇，但我都見到好多血，即刻揸車去醫院，佢好Strong，一開始話去公立醫院，最後驚等太耐轉去私家，等嗰陣佢全程舉高隻手，最後縫咗11針。」而鄧穎芝於社交網分享意外後的受傷照及包紮照：「畀個放廁紙嘅鐵盒鎅到，片咗一大忽肉出嚟，使咗8千幾蚊！」