陳芷尤擔正咀不停黐男人堆「揸水」
踏入30歲的前無綫藝員陳芷尤，與張振朗分手後便返老家新加坡，疊埋心水拍攝網劇《神奇之吻》。劇中除了「變性」演男生，又頻頻上演親吻鏡頭，感情未有着落的她演出時毫無包袱，但笑言未與拍檔咀出真感情！
現於新加坡為《神》劇開工的陳芷尤，雖然與家人分開，又沒有男友慰藉，但不愁寂寞，可在劇中一嘗受寵滋味，擺脫性感形象之餘又有機會演女一，簡直是事業大突破！她受訪時說：「我一直都有個夢想，希望有機會演偶像劇，所以當試鏡被選中演一個19歲學生時，真係好興奮！校園偶像劇距離我好似好遠，所以時刻提醒自己要保持一顆年輕的心，當然着校服演出係有幫助，不知不覺將自己帶返學生時代。」
啜出真感情？
劇中飾演「金向南」，她直言是很大的挑戰，不但要演學生，還要中途變「性」，變男生又轉性格：「一個角色唔同人物，所以演得好過癮。好彩同第一次合作嘅中國演員馬昂默契好好，所以減輕唔少壓力。（不停拍親吻鏡頭，有冇咀出真感情？）咁又冇。（尷尬？）剛開始會，後來都OK，只係蜻蜓點水啫！（有咩有趣經歷？）記得最有趣嘅一場戲係我啱啱變身後，發現住喺一個女性嘅身體入面，當時需要做去廁所嘅動作，現場嘅男仔都覺得我做得唔似，全部好熱心教我男仔去廁所嘅正確動作同表情，真係大開眼界，尷尬得嚟又好笑！」