李佳芯新劇戀陳豪 陳炳銓緊張接收工

李佳芯（Ali）早前身體發出警號，頂硬上拍完劇集《殺手》即停工休息，除了旅行外，還不時跟男友陳炳銓行山及做運動，非常甜蜜。

返將軍澳愛巢

休息多時的Ali係時候再搏殺，本月中與陳豪、蕭正楠、曹永廉、陳瀅、譚凱琪等拍攝無綫新劇《愛美麗狂想曲》。由於拍劇日夜顛倒，相信Ali有排未能與男友二人世界，為爭取時間見面，日前晚上她於觀塘出席活動後，男友急急驅車前來做柴可夫接收工。二人邊行邊傾往取車，雙雙返回將軍澳愛巢。

蕭正楠肉搏陳瀅

另外，《愛》劇屬愛情輕喜劇，主打靚人靚景。飾演失婚女秘書的Ali，與事業有成的老闆陳豪有感情戲，期間客串的何廣沛會加入「戰團」，與陳豪爭奪佳人芳心。至於「搞笑孖寶」蕭正楠與曹永廉的角色有新突破，監製羅永賢透露：「就係佢兩個條件唔好，所以要用啲特別嘅嘢包裝。其實我都對佢哋好好，曹永廉同蝦頭（楊詩敏）、朱智賢有好多床戲，阿蕭就同陳瀅有好多攬錫戲。（阿蕭要同老婆黃翠如備案喎！）得啦！我同翠如備定案咪得囉！」並指阿蕭的角色性取向成謎，既姿整又口衰，但實情是超級暖男，他拍攝前特別減磅演出。

監製又指譚凱琪飾演內地女子，角色較悲慘：「總之命運唔好，浪漫之中帶點悲慘，對佢嚟講都係一個挑戰。」