李美琪着三點式靠家姐「瘦身」
藝人「牛雜妹」李美琪近日與家姐飛到日本北海道旅行，昨日兩姊妹大晒三點式自拍照，見李美琪身形較之前清減不少。她受訪時說：「我食咗好多嘢，返嚟真係要做運動還債喇，所以我盡量叫家姐企前啲，等我望落瘦啲。」
另外，前日二人在花海中影下不少靚相，並上載至社交網分享，兩姊妹更玩到唔捨得走，被網友讚人比花嬌。她表示今次是第一次去北海道，雖然未到花季，但卻意外發現花海之地：「搵到個地方種咗好多唔同顏色嘅鬱金香，嗰邊花嘅設計其實係好用心，佢哋會喺花海附近整條路畀人行入去，畀人影相打卡。」