吳若希搵老公撐場菊梓喬：有火花幾得意！
星夢歌手吳若希（Jinny）與師妹菊梓喬（Hana）昨日同日舉行歌迷會活動，競爭趨白熱化。Jinny獲老公撐場兼錫錫放閃，提到一姐之爭，她大談佛偈，自言不想提負面事；而Hana對於粉絲掀罵戰，笑言有些火花幾得意。
吳若希與菊梓喬昨日分別舉行補祝生日派對及歌迷會三周年活動，Jinny獲逾50位粉絲慶生，老公何兆鴻也有到場支持及錫面，大晒恩愛。
猛講佛偈滿足自己
對於與Hana同日舉辦活動，她表示事前並不知情，問她是否想重奪一姐之位？她坦言：「如果爭一姐係褒義詞，我覺得係好，但最慘爭一姐係貶義詞。我之前去慈山寺聽佛偈，覺得應該要灌輸正面訊息，如果唔係正面就唔好提。以前生活係為賺錢，要Please好多人，依家為滿足自己。」
她又指覺得以前氣氛較好，是最開心的時間：「如果我知道同Hana係同日搞活動，我會避開，唔想有咁多新聞，但我知有新聞係好事，所以都好難取捨。」至於其新歌點擊率不及Hana，她笑謂並不介意：「除咗首歌係我唱之外，個點擊率都唔係好關我事。」問到會否覺得公司高層何哲圖（Herman）偏心？她開玩笑指對方偏心其老公，因兩人同姓何，自己是外姓人。
Herman連走兩場
至於Hana在聚會上招待逾百粉絲參與，席間獻唱3首大碟歌曲，她透露前天才獲悉與師姐撞活動，但場地並非自己安排，又指不會因此而影響兩人感情：「大家粉絲都唔同。（粉絲網上罵戰喎！）每個人都有言論自由，小朋友有啲火花都幾得意。」談到其歌曲比Jinny的點擊率高，她稱只是巧合，數字不重要，又大讚對方的MV好看。
Herman就連趕兩場活動，指並非刻意安排兩人同日有活動，揚言沒有偏心任何一人，也沒有所謂一姐。