Tim想去天體沙灘見識

樂隊Dear Jane昨日到中環海濱出席戶外演出，在悶熱天氣下唱到大汗疊細汗，他們大讚戶外開騷好正，但只唱三首歌唔夠喉：「如果可以開個戶外騷就好啦！不過最好冬天搞，頭先我哋玩兩、三首歌已經濕晒。」現場有人造沙灘，問到可會想去見識外國的天體沙灘？在美國長大的Tim表示，小時候居所附近有天體沙灘，但沒有去過，有機會都想與老婆楊洛婷一齊去：「係囉，見識吓。（你會唔會怕醜？）我估啲人唔怕醜嘅，大家都係人，有咩未見過。」Howie更忽發奇想在天體沙灘開騷，台上台下可以玩成一片。