劉美君人財兩失自認蠢
歌手劉美君及郭偉亮（Eric Kwok）昨日以嘉賓身份錄影ViuTV遊戲節目《估你唔到》，講到節目要估別人職業，劉美君自嘲蠢預咗輸，笑言經常畀人呃錢及感情：「兩樣都傷，但唔想冇咗個由細識到大嘅朋友，結果又Friend番，人實有過錯，可以重新嚟過，覺得感情重要過一切，同所有Ex都做得番朋友。（警惕自己小心啲？）會，但咩都防範就會錯過過程，開心都變得唔開心。」
Eric則表示很少被騙，反而是小學時期經常講大話，被父母打到飛起都改不到：「去到中一突然醒咗，可能係賀爾蒙問題，身體機能唔同咗，變聲之餘性格都改埋，依家比起以前講少咗好多（大話）喇！」