湯洛雯激咀黃德斌唔敢畀父母睇

湯洛雯（右）與林秀怡化身黑白雙煞，齊晒美腿。

靚湯受訪時自爆早前播出與黃德斌的吻戲，是入行以來最激的一次：「好緊張，播出直情唔敢畀父母睇！」原本今天便投入《法證先鋒IV》的拍攝，因天雨關係延遲一日開工，她說：「我好似插班生中途插入，台前幕後已經似一家人。」之前她在街上跌倒，左腳韌帶輕微撕裂，要慢慢復原。而林秀怡提到與陸永的「鴛鴦戲水」戲即笑說：「唔明點解佢着埋對鞋落水，可能甩色搞到池水變黑，好臭仲要拍足一日，諗起都惡心。」

高海寧得長輩歡心

至於高Ling與楊明已投入新劇《網絡騙案》的演出，她自爆：「兩劇都講我飛楊明，所以佢兩位阿媽都好憎我。」不過，屢與音樂人鄧智偉傳婚訊的她，卻信心十足指自己很受長輩歡迎，未來可以與奶奶同住，還說：「好多長輩都鍾意我o架！」楊明在旁亦說：「女友（莊思明）父母已經當咗我係半邊仔。（你媽咪錫思明？）對我衰都錫佢！」

高海寧、楊明近期人氣熱爆，笑言對到悶。

湯洛雯與黃德斌激咀，睇番個心都卜卜跳。