講溝女變教女 梁家輝做媒催古仔結婚
影帝梁家輝早前與一班老拍檔任達華、林家棟及古天樂（古仔）合作拍攝新片，對上一次同樣的配搭已是14年前的事，他坦言戲內戲外大家依然很有默契，是一次非常愉快的經驗。
談到幾位好兄弟的變化，家輝搞笑地說：「最大嘅變化咪係我同任達華嘅話題，由原本講溝女，變成依家講教女囉！我哋都有叫家棟同古仔快啲結婚啦，成日催婚嘅。」問到會否介紹女仔給兩人認識？現年61歲的家輝笑言：「介紹得嘅，年紀同我差唔多喎，我身邊有好多朋友都雲英未嫁。」
「榴槤控」食到怕怕
今次全片在內地取景，當中有公路飛車戲，家輝說：「真係好熱，就咁望出條路都見到蒸氣，好辛苦，反而打戲以前拍到依家，都算駕輕就熟。」戲內他因應劇本要求狂食榴槤，令本來是「榴槤控」的他也食到怕：「早排同老婆、囡囡去馬來西亞旅行，當地人話開榴槤畀我食，我即刻叫佢攞開。拍完套戲後，我都冇再食過嘞，亦唔知呢世人仲會唔會食。」