前女騎師江碧蕙（Sherie）參與日本攝影師米原康正跟阮民安合作的慈善藝術展覽，今次主題「現代女性力量」，她覺得現今女性地位在社會已提高，她於1993年首次策騎出賽，當時的賽馬世界完全沒有女性，作為首個女騎師，她覺得是突破，很多人覺得她是女中豪傑，有膽量跟男騎師在賽事上競爭：「我諗係勇字當前，細個就係貪玩唔怕死囉！」
今次跟米原康正合作，她覺得幾得意，對方以紅色做主體顏色，能代表到女性的味道，因為是慈善性質，她揀選「微笑行動」這機構：「可以令兔唇嘅小朋友有改變自己命運嘅機會，令佢哋有番信心。」忙於打理其健康食品生意的她，同樣注重家庭生活，暑假會飛返法國探望兩個兒子：「我個大仔9月入讀大學，做媽咪要幫佢添置一啲必需品，我先生嘅屋企人都喺法國住，成個家庭會一齊開心度暑假。」