報讀逾500小時課程 苟芸慧學整甜品冧老公
人妻苟芸慧昨日出席法國烹飪活動，透露已報讀9月開課的專業甜品課程，屆時要一年上500多小時課堂，笑指老公陸漢洋最愛食甜品，絕對是最大受惠者！
苟芸慧（苟姑娘）與陳貝兒昨日出席「煤氣烹飪中心 x 法國Disciples Escoffier專業烹飪文憑」記者會，席間齊齊合作為蛋糕添裝飾。
識得煲鱷魚湯
戴上閃爆婚戒的苟姑娘，透露老公陸漢洋最喜歡她炮製梳乎厘，為了更了解甜品世界，近日她報讀有關課程，預計9月開課，屆時將展開為期一年、約500多小時的課程，問到會否影響工作？苟姑娘笑說：「呢樣係concern，因為我成日飛來飛去，好在老師好好，話Miss咗可以補堂，但考試就一定要攞高分，同埋都要合格先可以有證書。」
平日不時下廚的她，表示近日忙於在內地拍劇已甚少入廚，問到可懂得煲湯？她說：「都識煲中湯，會睇天氣，識得加啲中藥，如果落雨濕濕哋，就會加少少薏米去煲，不過老公好簡單，淨係鍾意飲豬骨湯，有時見佢上賽車場，嗰度好多廢氣，就會煲鱷魚湯。」
陳貝兒夢想開餐廳
同場的陳貝兒則完成了法國糕餅烹飪藝術文憑課程，現場獲頒發畢業證書，笑指望有朝一日能擁有法國執業廚師資格及於當地開餐廳。