黃芷晴獲老竇拉線6日撻着陳一天

藝人黃日華與女兒黃芷晴為內地節目拍攝,芷晴更獲爸爸挑選男友,與藝人陳一天火速過電,現時交往了解中,一天亦已見過家長,全部過晒關。

黃芷晴與陳凱琳(Grace)前晚於銅鑼灣出席時裝品牌活動,芷晴透露兩個月前跟爸爸黃日華到內地拍攝綜藝節目《女兒們的男朋友》,節目中爸爸幫她揀男友,她因此與藝人陳一天相處了6日,結果真的「過電」!問到爸爸的看法,她說:「佢認為最重要係對方尊重我,但慢慢嚟先,我都想認真經營一段感情,媽咪都有見過佢,覺得OK。」講到是否有發展機會,她表示完成節目後大家分隔兩地,但仍有保持聯絡,她本月初生日時,對方好識做來港陪她慶祝,並送上一個皮革袋,令她非常開心。問到陳一天於父親節會否來港跟她陪黃日華慶祝,芷晴則表示要視乎對方工作進度。

芷晴表示最近吃了多餐生日飯,最開心是與媽咪食的一餐:「媽咪終於可以出街食飯,又肯一齊影相,因為佢患病之後,覺得精神唔好就唔影,我哋已經一年冇合照。」

陳凱琳爆嘉穎唔畀性感

而Grace表示老公鄭嘉穎對時裝甚有要求,問到會否管制她的衣着,她說:「唔好太性感!所以我今日咁着佢好滿意。(每次打扮都會畀佢睇先?)我哋都會睇對方。」提到之前囝囝百日宴,她笑言雖然只是2小時,但之後很攰,又讚囝囝全程很乖:「佢慣咗見人,出街反而唔喊。」講到嘉穎表示即使做了爸爸,老婆仍然是最愛,她聞言冧爆說:「算佢啦!(咁你放邊個第一位?)兩個都第一,好難揀。」