徐濠縈囡囡拍拖似偷情

陳奕迅太太徐濠縈、林嘉欣、星級造型師Alvin Goh等，昨日出席護膚品牌活動，阿徐透露14歲女兒陳康堤已拍拖：「佢男友好乖，一表人才。」又指女兒出街怕被偷影：「個女有童年陰影，成日都唔敢出街，或者叫我車佢去啲偏遠嘅地方，好似偷情咁，不過咁都安全。有時個男仔都會嚟屋企拍拖，我主動鼓勵佢哋出去，唔好成日留喺屋企，驚悶親個男仔，咁樣好唔健康。（個男仔有冇請教你點樣面對傳媒？）冇，我諗佢唔敢問，但我個女就採取逃避。」