劉穎鏇鄧卓殷嘆Long D必散
劉穎鏇與鄧卓殷同是港姐出身，當年參選時均有位感情要好的Long D男友，但當選後齊齊宣布甩拖，儼如中了港姐魔咒！昨日二人出席港姐活動時，齊指異地戀難維繫，鄧卓殷更指看不到終點。
《2019香港小姐競選》將於9月8日舉行，昨日歷屆港姐陳凱琳、劉穎鏇（Tiffany）、陳曉華（Hera）、鄧卓殷（Amber）及丁子田等出席記者會。統籌經理余詠珊透露今年節目質素與內容均會提升，將首次與內地媒體合作，並預告到日本拍外景，目標是打造一個國際級節目。
為參選朋友心理輔導
Tiffany透露近日不停發掘有潛質的朋友參選，提到她與Amber參選時均有一位Long Distance男友，但最後分手收場，會否向有意參選的朋友作事前輔導？Tiffany笑言：「啱嘅，等我問吓先。（叫異地戀嘅女仔唔好參選？）如果大家都喺香港咪冇事囉！其實呢樣好緊要，當年我喺美國，都唔知會唔會留香港發展，關係真係好難維持。」
Amber亦笑言：「會同佢哋分享經歷，有咩問題會出現。（感同身受？）分開兩個地方係難，睇唔到個Ending Point。（同郭子豪傳緋聞，睇到Ending Point？）冇呢件事。（子豪舊愛話佢講大話喎！）我唔清楚，都係睇新聞先知，冇特別諗呢個問題。」
陳曉華拒提名陌生人
至於Hera透露有女士於社交網私訊問參選意見，期待面試時對方出現：「見到啲相都幾靚女。（可以執相喎！）睇吓真人點先。（搵你做提名人要見真身？）咁咪畀人呃出嚟？要識嘅人先可以。」