蔣怡「好手勢」留老公喺屋企

久未露面的名模蔣怡（CoCo）昨日出席活動時大顯身手，以剩食炮製薄餅，宣揚珍惜食物的訊息：「平時我哋食剩咗啲嘢，會留嚟煲湯、整壽司、焗薄餅或包餃子，囡囡最鍾意就係包餃子。」她更笑言其超卓廚藝令設計師丈夫翁狄森已很少出外用膳。

問到囡囡有否遺傳其煮食天分？CoCo笑說：「佢比較鍾意玩煮飯仔，我諗佢可能遺傳咗我鍾意開Party嘅性格，好鍾意招待人，佢喺邊度都係一位歡樂小姐，尤其細佬係佢嘅Big Fans，佢做咩都氹到細佬好開心，搞到我笑到皺紋都多幾條。」