造人？徐天佑：不斷做嘢！
藝人徐天佑昨日出席「GO WILD 出走西澳」推廣活動記者會，表示一年前去過澳洲拍鐵路特輯，但未去過西澳，故很想去，問到可想帶太太一同去？他笑說：「佢去就享受，上次澳洲佢都有去，佢就去晒啲正嘅地方，但我就做嘢，日日5、6點起身，拍十幾個鐘，見到佢日日攞住一袋二袋返嚟話好辛苦，我就話邊個辛苦啲先，但其實係開心嘅，同老婆一齊去做嘢。」
問到下次二人世界去旅行可會好些？他即謂剛剛從歐洲及埃及旅行回來：「不過玩咗幾日就趕住返嚟，因為要忙8月嘅舞台劇。」問到旅行可有順便「造人」？他坦言：「真係隨緣，因為好忙，呢兩年不斷做嘢，等搵多啲先，之後安排時間留畀家庭。」
