否認曾爆粗 黃浩然：冇嬲心穎！
無綫重頭劇《法證先鋒IV》因黃心穎和許志安的「偷食事件」影響，心穎戲份被剪換上湯洛雯（靚湯）「重生」。昨日《法證》再次舉行開鏡拜神儀式，總監製梅小青、高層杜之克及演員黃浩然、譚俊彥、陳煒、鄭俊弘、楊柳青、陸詩韻、郭子豪等出席外，頂替心穎的靚湯則在開鏡禮上現身，即場與譚俊彥試戲，眾人表示收貨！
與心穎在劇中對手戲最多的浩然，在「安心事件」爆出後，傳他嬲到爆粗，問到心情是否已平復？他說：「對當事人已經好大影響，我唔方便講太多，當時知道件事後最擔心唔係我個人，係成個《法證》團隊，擔心套劇出唔到街。」能有機會重拍很感恩，還自嘲「戲屎」，公司畀機會他再拍過。追問他到底有沒有爆粗？他說：「點會爆粗，同廁所爆呀？（嬲心穎？）冇得嬲。（有冇聯絡你？）我哋冇聯絡，亦冇嬲，件事我哋係局外人唔評論。（你係受害者？）同佢都係朋友，更加不便評論，只係可惜，因為大家努力拍出嚟嘅嘢白費咗。」是否可惜心穎前途？他仍說不便公開評論。
被勒令開工前減10磅的靚湯，現場所見似未見太大成效，她說未有上磅，不想被磅數限制，最重要是瘦得健康。至於陳煒指和心穎戲份不多，要重拍的對手戲較少，重拍亦沒有影響其他工作：「唯一係着多次婚紗，跟Shaun（譚俊彥）再結多一次婚。」
