袁偉豪自爆影咗結婚相
藝人袁偉豪（Ben）與王君馨昨日為開幕活動任演唱嘉賓，二人稱獲《鐵探》帶挈有商演機會，希望陸續有來。Ben透露8月才為新劇開工，現正休息中。提到蕭正楠夫婦於峇里補辦婚禮，Ben亦有留言祝賀，還指是蠱惑的婚禮說要向兩人學習。問Ben是否想秘婚？他笑說：「佢哋好鬼多計，冇諗佢玩到咁大，上年佢哋秘婚，啱啱我開拍《鐵探》，同埋屋企有啲事，所以佢哋都冇通知我。」
最搞笑是起初Ben誤以為兩人是上載去年秘婚時的相賀結婚周年，但經記者解說後才知他們是剛補行婚禮，他說：「都話佢哋蠱惑啦！」問到他可會與女友張寶兒影結婚相？他坦言：「之前我影寫真集有影咗一輯，可以當Pre-weddingo架，雖然唔係着禮服，但個景好靚，個feel好似！（咁求其女友會唔會放過你？）咁我個人好認真，呢啲唔慳得，所以要賺多啲錢先。」