「馬國劉佩玥」32C張安琪被開價50萬過夜
32C「馬國劉佩玥」張安琪今年暑假會推出處女寫真集，最大膽造型是背部全裸上陣，她不擔心成為宅男粉絲的性幻想對象，自言能夠為他們減壓，樂於效勞，但最憎男人用錢來侮辱女性，覺得這行為好缺德。
有馬來西亞「甜美女神」之稱的模特兒兼網紅張安琪（Angela），最近來港拍攝首本寫真集，她表示開心及期待。對於網友將她與「馬國女神」林明禎比較，她表示不介意。
今次寫真集有超過十個造型，包括內衣、比堅尼、街拍、OL等，最性感一幀是背部全裸，她說：「前面只係黐咗乳貼，之前冇試過咁性感，因為想有突破，影嘅時候都驚走光，有啲尷尬，但冇清場。」問她可會挑戰更大尺度？她認為將來的事說不定，不排除會作全裸演出：「睇情況啦！睇吓係藝術定色情，如果睇錢分上嘅就唔可以。」
畀宅男廁所「消遣」
擁有天使面孔、魔鬼身材的Angela，不時在社交網上載性感照，她表示不介意粉絲將她當作性幻想對象，又笑說：「幻想就畀佢幻想，係佢哋消遣嘅方式，可能佢哋工作壓力大，我咁都算做好事，唔會介意，佢哋都係喺屋企或者廁所啫！」
她自爆收過自稱是某集團大亨的私訊，開價四、五十萬要求她陪過夜，她說：「見到呢啲訊息我唔會覆，刪咗就算，不過有次忍無可忍，對方影咗疊錢嘅相嚟，喺上面貼咗我個名，我封鎖咗佢，佢就開過新戶口，我叫佢唔好再騷擾我，否則報警，點知佢仲鬧我，叫我唔好扮大牌！好唔鍾意呢啲行為，係侮辱女性。」她強調絕不會為錢出賣自己。
化妝：Hody Lee