鄧麗欣同男友鬥灰
藝人鄧麗欣（Stephy）、姜皓文及蔡瀚億（BabyJohn）等，昨晨拍攝新片《殘影空間》，電影橋段與熱爆台劇《我們與惡的距離》異曲同工。片中Stephy演一名精神科法醫，探究「病人」張建聲及BabyJohn的案情。談到情緒病，Stephy表示：「試過好唔開心，懷疑自己有情緒病，今次角色沉重，有時想喊。（嚇親男友？）我話明畀佢聽拍呢套戲，佢依家喺台灣拍緊戲，同樣係沉重嘅電影。」提到好友吳雨霏有喜，她說：「係開心事。（幾時輪到你？）冇諗，唔想畀規限自己，咁樣好大壓力。」
至於演老師的BabyJohn表示：「我嘅角色覺得怪獸家長好有問題，想懲罰佢哋，場戲拍得好沉重。不過現場十幾、二十位小朋友知道我演過乜，不停咁問嘢，搞到我好難投入。如果今日問我，我會話唔生！」
姜皓文則透露稍後會到泰國拍攝另一部新片，要講泰語及普通話對白，得悉能與影后陳冲合作即相當興奮。