藝人曾樂彤、劉溫馨、何泳笉及組合BOP天堂鳥等昨午到電視城出席節目綵排，對於早前被質疑臨場演出的表現及與網民爆粗對罵，繼而被抽起新歌《太陽蛋》派台的曾樂彤，指月底將改派另一新作《存在》「試水溫」。談到「出事」的《太陽蛋》，她說：「改咗可能遲啲先出，我唔會後悔（爆粗），但會視為一次學習，我係衝動咗嘅。」她否認曾遭經理人公司照肺：「公司好錫每位藝人，只係傾吓偈，自己做嘅嘢要承擔責任就得。（唔敢再同網民鬧交？）我依家成仙、成佛喇，盡情愚弄我吧！」
至於BOP天堂鳥笑言今次演出會繼續扮前輩組合草蜢：「其實5年前都喺電視節目扮過，依家我哋商演都會被要求扮，希望以後能夠有機會同草蜢同台演出。」