閻奕格讚狄龍眼神有戲

資深演員狄龍與歌手閻奕格昨日以「父女檔」到電台受訪，宣傳下月公演的12場音樂劇《搭錯車》。自嘲演出經驗淺的閻奕格感謝狄龍教導：「雖然佢冇對白，但佢嘅眼神好有感情，依家只係綵排，不過排到最後啲感人戲份就好難受。（驚公演時係咁喊？）唔驚，呢啲係真情流露。」狄龍提點她要好好記住感覺：「要控制住，同時又要令自己保持新鮮感。」