祖兒險炒車攝太歲保平安

容祖兒昨日到尖沙咀出席百老滙電器活動，感冒未清的她說話時陰聲細氣，表示已病了近一個月。

她說：「可能犯太歲啦，阿媽尋日都有幫我攝太歲，希望即攝即好。（阿媽有冇煲嘢畀你飲？）有呀！佢狂煲蜜糖，同埋請教咗林二汶可以飲梅精，好潤喉又對胃好，近排都中西合璧，食西藥又做針灸，希望快啲好番。」

閉關養聲

將於8月舉行演唱會的她透露下月中閉關，並指取消錄音，盡量養聲：「依家講嘢都細聲咗、溫柔咗，有啲唔慣。平時慣咗大聲，依家要叫人哋行埋啲講嘢，可能好似阿Lam（林子祥）咁要一世養聲，不過好多朋友話我依家把聲好令人擔憂，希望我練到講嘢細聲得嚟得意，溫柔得嚟精神。（忍唔住想嗌？）冇嘅，暫時冇乜嘢令我太興奮。」

揸車戒傾偈

祖兒又自爆最近險發生交通意外，路面多了不少危險駕駛者：「試過喺東區走廊揸車，想切線時，突然發現有車，我即刻扭番入去，我個friend話成架車離咗地，之後都要戒駕駛時講嘢。」