藝人蔣祖曼日前為女兒可可舉行4歲生日派對，壽星女打扮成美人魚，凸出小肚腩十分可愛。蔣祖曼表示當日負責召集及陪玩，指廚藝了得的老公最辛苦，因本來打算邀請四、五個小朋友，最後半班同學仔參加：「主要係我老公包辦嘢食，佢大部分時間都喺廚房。」又指女兒大得太快，已經未雨綢繆：「一早就有心理準備，由佢出世嗰日已經準備好佢升中！始終阿仔有辦我睇，佢哋真係大得好快！」
