神秘人520送花示愛柳妍熙求見真身
歌手柳妍熙（Scarlett）昨日現身北角一間小學，出席「車路士足球學校香港訓練計劃」，化身啦啦隊為正接受足球訓練的學生打氣。名將山度士則負責教波，席間與Scarlett過兩招切磋球技，大顯身手！
Scarlett表示足球課程由5月初開始：「有次參加學校嘅陸運會，知道有啲小朋友嘅夢想係做足球員，但係屋企冇錢，我係運動員出身，有呢個情意結去幫佢哋實現夢想！好彩得到多方面支持，8月頭仲會有個比賽畀佢哋以足球交流。」又指培訓學校只用一年時間籌備、投資千多萬，受惠學生現達200名。
自爆曾被跟蹤
曾是國家田徑隊成員的Scarlett，指「拗柴」後最近開始重拾做運動：「去行山、潛水。（幾時唱歌？）依家開始收歌，好多人問我幾時出歌。」愛情方面，她怕醜表示努力中，又自爆「520」當日收到神秘人送花及禮物，但至今冇人「認頭」：「擺上網問冇人認，之前試過連續一個月都收到花，卡仔只係寫想我開開心心。（送你屋企？）唔係，送公司。（驚唔驚係狂迷？）之前都試過畀人跟，好彩公司同事嗰排有護送我返屋企，希望送花畀我嗰個人大膽啲認！朋友都心急，介紹對象畀我。」
