余香凝拍戲想有嘢益觀眾
藝人余香凝日前應邀出席香港公開大學電影學會活動，跟學生分享電影對她童年的啟發。她表示讀書時已租碟在家中睇港產片，又會到戲院睇戲：「小學時我唔識睇文藝片，主要都係商業性嘅輕鬆喜劇，電影帶畀我童年好多歡樂，一齊睇喜劇係一家人嘅活動。」
提到現時成為演員，她希望透過電影可以帶給別人得着：「近年香港電影少咗喜劇，反而多咗一啲關於社會、人情嘅小品，依家啲小朋友唔同我童年嗰陣，讀書壓力好大，可能呢啲小品更適合佢哋睇，好似《非同凡響》咁，好多父母帶小朋友睇完，會睇到社會上其他嘢，令到佢哋思考。」
