林利怒斥Naomi抽水：呢個人好X衰！
藝人林利早前宣布覓得有情人，向女友Erin求婚成功，怎料o靚模出身的馮鎵瀠（Naomi）失驚無神爆料指Erin曾是情敵！林利昨日連環爆粗，怒斥Naomi炒作博出位：「我唔X識佢！佢呢個人好X衰！」
52歲的前小虎隊成員林利，去年不幸患上直腸癌，好彩手術過後已康復不少，今年初更宣布拍拖，並在本月踏入人生新一頁，指向相識逾廿年、從事珠寶生意的台灣女友Erin求婚成功。正當準備組織家庭之際，突然殺出緋聞多多、o靚模出身的Naomi，公開指Erin是「高級組情敵」，大爆對方曾於2008年介入她與男友的感情！
指Erin整容：靚唔過我
Naomi在社交網發長文，指當年Erin曾偷用男方的MSN找她：「試過我哋揸緊車返屋企，陳小姐（Erin）就SMS男方話喺佢屋企附近等緊佢，我話唔去見佢會點？男友話唔見佢就會Call記者，所以我要跳車逃走避開見到佢，然後入屋反鎖自己喺入面，驚佢會傷害我！人生嘅情敵當中，呢個都係高級組，我印象深刻，娶到佢。我真係恭喜你吖！」又指Erin曾整容：「劇烈整咗容，整唔整都冇可能靚過我。」Naomi昨日接受本報訪問時表示，事情是在多年前發生，直指對方是恐怖的人：「因為呢一個人，喺我生命中亦有一啲不快回憶，可能人會變，我覺得三歲定八十囉！」
「娶乜人關你X事！」
對於未婚妻無端被指控，身在台北的林利隔空發炮，嬲到連環爆粗：「借呢啲事嚟抽水，仲要踩人，呢個女人（Naomi）我又唔識，我諗佢好極有限！做咩要講埋啲咁嘅嘢，無憑無據，編個咁冇邏輯、咁渣嘅古仔出嚟，做乜X嘢？佢呢個人好X衰！我娶乜人關你X事？我又唔X識你，做乜要借我嚟宣傳？你咩料呀？大家又唔識，人哋咁喜慶嘅時候，又唔關你事，仲要係十幾年前嘅嘢，又印證唔到！我哋都唔記得十幾年前嘅嘢啦，所以係要X！」