藝人吳日言（Yan）與董敏莉昨日出席無綫節目《媽媽唔易"造"》記者會，她倆除了同期出道，亦同樣在11月生女，囡囡現已半歲，不時分享湊女經。Yan坦言生B後變得大頭蝦，日前便遺失手袋，失去身份證、車牌、信用卡。董敏莉笑言：「生完BB除咗冇記性，仲蠢咗反應慢咗，成日連有冇刷牙都唔記得，要再刷過！」
她倆在節目中分享餵哺母乳經驗，Yan笑說已昇華到不找育嬰室：「我唔介意人哋嘅目光，最近食自助餐，笠住塊布就餵母乳，在場有男士都唔介意，可能日子有功！」
