李麗珍惡補潮語扮後生

藝人李麗珍在處境劇飾演母親，笑言有時聽不懂同劇年輕人的潮語，而她今次拍喜劇輕鬆沒壓力，但間中會忍不住笑要NG。

演員李麗珍、廖碧兒、袁富華及陳國邦等昨日在九龍灣為ViuTV處境劇《娛樂風雲》拜神。已開工一星期的李麗珍沒有不習慣，笑指現時合作的年輕人醒目得多：「我細個入行嗰陣矇查查、烏瀡瀡，人哋踢一腳先郁一郁，佢哋醒目過我以前好多！」

劇中演母親的她又說：「有時聽唔明佢哋講嘅潮語，要問番佢哋，同埋學吓佢哋講嘢同手勢。」問到劇中是否要搞笑？她認為刻意搞笑很難，反而較易掌握令人感動的戲，會跟劇本演出。問到拍喜劇可有忍不到笑？她坦言：「都有試過忍唔住笑NG，幾好玩，開工冇壓力，幾輕鬆。」

至於廖碧兒已為新劇開工三個月，劇集趕在六、七月播出。她指上一次拍處境劇已是初入行時的《皆大歡喜》，近年多演複雜、嚴肅角色，所以今次拍攝辦公室鬥爭喜劇很開心，她說：「喺《婚內情》同袁富華冇對手戲，今次佢就做我老闆，日日同佢開工。」她笑指今次不用再飾演「第三者」，更預告劇中有兩位男士力追。