鄭俊弘惡補做法證
歌手鄭俊弘昨日現身電台時表示會主唱《法證先鋒IV》插曲，講到6月頭要補拍，他表示涉及的戲份不太多：「應該幾日。（你同黃心穎唔多對手戲？）唔算太多，雖然係一齊住，但屋企戲10場以內。」講到頂替黃心穎的湯洛雯仍未減到肥，他笑言：「到時就OKo架啦！到時冇得瞓自然會瘦。」
講到他有份演頭兩輯《法》，現再參與第4輯，他開心說：「今次都係做法證部，但就高級啲，同以往好唔同，因為10幾年法證部啲科技都發達晒，我哋要特登上堂，講啲嘢又更加難背，要講埋英文先再講廣東話解釋，好彩補拍唔使拍番呢啲。」他又表示下周會首次在郵輪上舉行迷你演唱會：「到時會出去公海，瞓一晚就返嚟。」