前港姐冠軍張嘉兒早前誕下細女Hannah，本已育有一女的她表示第二次做媽咪，每件事都變得容易，而大女與細女相處融洽。她在社交網上載餵母乳的相片，表示：「好快已經上咗奶，BB亦已經好快增磅。佢瞓又瞓得愈嚟愈好，食又食得愈來愈多，好順利好開心呀！」雖然她已在相片用圖案遮着重要部位，但不少網民亦擔心她走光，嘉兒留言回覆：「遮晒，唔使擔心我，Check過好多次。」
