啜核金句王

陳嘉寶 「失憶」18歲

陳嘉寶日前出席活動，被問到有冇帶女兒探好友陳凱琳的兒子，明明29歲嘅陳嘉寶突然自認18歲……

「其實我哋兩個都冇生過，唔明大家講緊咩，我哋18歲咋嘛！」

花生友：「究竟係生完BB會記性差咗，定係去咗平行時空呀？大家都想返去做女嗰陣，但都係接受現實吧啦！」

陳瀅引Fans上釣

擁有大批男Fans的陳瀅透露將去夏威夷出席朋友婚禮，隨時大解放網晒泳照，大家拭目以待！

「第一次去夏威夷，買咗三套泳衣，有一件頭同兩件頭，睇吓到時身形操成點再決定着邊套。」

花生友：「記得唔好走數呀！仲有唔好啲相影景唔影人，又或者得個背脊就好喇！」

徐天佑 「HeHe」大力咀

徐天佑今年連接做「HeHe」角色，繼賀歲片之後最近演舞台劇又是演同志，難得太太唔介意，仲叫天佑放膽去演！

「我唔敢講到咁入肉，但太太話要咀就咀大力啲，到時預咗唔叫佢都會嚟。」

花生友：「有個咁大方嘅老婆，天佑索性變攣，轉做『Gay界男神』啦！意思係拍戲方面呀！」

陳瀅

徐天佑