林海峰「離巢」 先斬後奏
藝人林海峰相隔3年，第7度開棟篤笑，昨日在記者會宣布九月開騷，但轉頭話要離開工作多年的電台？他一臉嚴肅說：「眨吓眼同電台合作咗好長時間，自己年紀唔細，考慮同電台有個新章節，我會短時間內離開，未通知高層，頭先記者會咁開心，冇講到。（離開幾耐？）睇賣飛，賣飛唔好就唔返。」
認真地講笑的他，稱開騷前4至5個星期會短暫離開電台，因找不到替工，會留在家閉關，笑指家人都往外國留學，只剩外傭與他，反正溝通不到，對他冇影響。是次主題是Happy Monday，意思希望在不快樂的日子帶來快樂，又直言恨重返首次做騷的伊館再開騷。